Laufvangur 12

Domusnova og Árni Helga lgfs. hafa fengið í einkasölu góða íbúð á 1.hæð á vinsælum stað við Laufvang í Hafnarfirði. Íbúðin er 99,6fm að stærð og er þriggja herbergja auk þess sem geymsla í sameign er nýtt sem vinnurými. Eldhús og baðherbergi hafa verið endurnýjuð en ekki er vitað hvenær það var gert. Laufvangurinn er vel staðsettur, stutt í skóla, leikskóla, verslanir og stofnbrautir. Fallegar gönguleiðir um hraunið og Víðistaðatún á næsta leiti. Sérmerkt stæði fylgir íbúðinni.

Þegar komið er inní íbúðina er stofa/borðstofa beint af augum, eldhús til vinstri og innaf því þvottahús og búr. Herbergjagangur er til vinstri úr stofu og verður fyrst fyrir baðherbegi og síðan barnaherbergi en hjónaherbergi innst á ganginum. Í sameign er geymsla sem nýtt er sem vinnuaðstaða auk vagna- og hjólageymslu. 

Stofa, borðstofa og forstofa er í einu rými og er með parketi og liggur með allri suðurhlið, útgengt á svalir úr stofu.
Eldhús er með góðum innréttingum sem ekki eru upprunalegar, flísar á gólfi. Innaf eldhúsi er þvottahús og búr.
Baðherbergi með flísum og upphengdu salerni, baðkar með glerskilrúmi fyrir sturtu.
Barnaherbergi með parketi.
Hjónaherbergi með parketi og góðum skáp.
Þvottahús/búr er innaf eldhúsi.
Í sameign er vagna- og hjólageymsla, sérgeymsla sem nýtt er sem vinnuaðstaða og er með opnanlegu fagi. Stutt er í skóla, leikskóla og þjónustu auk gönguleiða. 

Skv. upplýsingum fyrri eiganda hefur viðhald verið sem hér segir:
Húsið sprunguviðgert að utan árið 2016. Einnig var farið í sprunguviðgerðir að hluta árið 2021. Múrviðgerð á tröppum að aðalinngangi árið 2020. Skipt var um teppi á stigagangi árið 2021.Þakjárn, þakpappi og rennur endurnýjaðar árið 2012-2013.

Smellið hér til að fá söluyfirlit sent strax.

Í samræmi við 2.mgr. 14.gr. L.70/2015 er upplýst að fasteignasali er tengdur seljendum fjölskylduböndum og með staðfestingu söluyfirlits staðfestir tilboðsgjafi að  upplýst hafi verið um það og hann sé meðvitaður  um það og geri ekki athugasemdir við það.

Nánari upplýsingar veita:
Árni Helgason löggiltur fasteignasali / s.663 4290 / arni@domusnova.is
Skrifstofa / s.527-1717 / eignir@domusnova.is

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. DOMUSNOVA fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Um ástand einstakra eignarhluta:
Efst í söluyfirlitli þessu er að finna dálka um ástand einstakra hluta eignarinnar. Eftirfarandi lykil er til skýringar á þeirri skráningu:

  Nýtt - Eignin er nýbygging.
  Upprunalegt - Seljandi veit ekki til þess að byggingarhluti hafi verið endurnýjaður.
  Endurnýjað - Byggingarhlutinn hefur verið endurnýjaður í heild sinni á einhverjum tímapunkti.
  Endurnýjað að hluta - Hluti byggingarhlutans hefur verið endurnýjaður á einhverjum tímapunkti.
  Ekki vitað - Seljandi þekkir ekki til ástands og ekki er hægt að leggja mat á það með sjónskoðun.

Gjöld sem kaupandi þarf að standa straum af vegna kaupanna:

1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.