Ægisgata 20

Ægisgata 20 Ólafsfirði - Mjög mikið endurnýjuð 5 herbergja raðhúsaíbúð á tveimur hæðum og með innbyggðum bílskúr - stærð 156,7 m²

Eignin skiptist með eftirtöldum hætti, 
Neðri hæð: Forstofa, gangur, tvö svefnherbergi, baðherbergi, þvottahús og bílskúr. 
Efri hæð: Gangur, tvö svefnherbergi, baðherbergi, eldhús og stofa. 

Forstofa er með flísum á gólfi og nýlegri útidyrahurð. Úr forstofu er gengið inn á gang með ljósu harð parketi á gólfi og við endann á ganginum er hurð út til suðurs á timbur verönd. 
Eldhús, nýleg hvít sprautulökkuð innrétting með góðu skápa- og bekkjarplássi. Ísskápur og uppþvottavél eru innbyggð í innréttingu og fylgja með við sölu eignar. 
Stofa og eldhús eru í opnu björtu rými með ljósu vínyl parketi á gólfi. Skápur undir sjónvarpi fylgir ekki með við sölu eignar. 
Stigi milli hæða er steyptir og með ljósu teppi. Undir stigapallinum er smá geymsluhorn.
Baðherbergin eru tvö, eitt á hvorri hæð og bæði nýlega endurnýjuð. Á neðri hæð eru flísar á gólfi og veggjum að hluta, ljós innrétting, upphengt wc og sturta með innfelldum tækjum. Lagnir eru í veggjum fyrir handklæðaofn. Á efri hæðinni eru flísar á gólfi og veggjum, hvít innrétting og speglaskápur, upphengt wc, baðkar, ofn innfellur í vegginn og opnanlegur gluggi. 
Svefnherbergin eru fjögur, tvö á neðri hæðinni með harðparketi á gólfi og tvö á efri hæðinni með vínyl parketi. Í hjónaherberginu er stór hvítur fataskápur og hurð út til suðurs á steyptar svalir. 
Þvottahús er með flísum á gólfi, innréttingu með vask og opnanlegum glugga. Gengið er í gegnum þvottahúsið þegar farið er inn í bílskúr. 
Bílskúr er skráður 20,7 m² að stærð. Gólf er steypt og innkeyrsluhurð er með rafdrifnum opnara. Bílaplan var endurnýjað árið 2022, steypt og settar hitalagnir, lokað kerfi.  

Annað
- Búið er að endurnýja glugga, útidyrahurð og svalahurðar.
- Gólfhiti er í allri íbúðinni að bílskúr undanskildum.  
- Allar innihurðar hafa verið endurnýjaðar.
- Þak hefur verið endurnýjað.
- Búið er að endurnýja rafmagnstengla og draga nýja raflagnir í hluta.
- Búið er að endurnýja hitaveitugrind. og frárennslislagnir frá bílskúr. 
- Timburverönd er á baklóðinni