Sævangur 2

** Hafðu samband og bókaðu tíma fyrir skoðun - Svanþór Einarsson, löggiltur fasteignasali - svanthor@fastmos.is eða 698-8555 - Theodór Emil Karlsson, löggiltur fasteignasali - teddi@fastmos.is eða 690-8040 - Steingrímur Benediktsson, löggiltur fasteignasali - steingrimur@fastmos.is eða 862-9416 **

Fasteignasala Mosfellsbæjar kynnir: Glæsilegt 228,6 m2 einbýlishús með tveimur auka íbúðum við Sævang 2 í Hafnarfirði. Um er að ræða fallegt hús þar sem búið er koma fyrir þremur góðum íbúðum öllum með sérinngangi. Aðal íbúðin er um 170 m2 með 5 svefnherbergjum, forstofu, gestasalerni, baðherbergi, þvottahúsi, eldhúsi og stofu. Hinar tvær íbúðrnar eru nýstandsettar og eru í útleigu. Auðvelt er að breyta aftur í upprunarlegt skipulag. Stórt hellulagt bílaplan með bílahleðslustöð. Eignin hefur verið mikið endurnýjuð en neðar í lýsingunni er listi yfir helstu framkvæmdir sem hafa verið gerðar. Eignin er skráð alls 228,6 m2 og er teiknuð af Kjartani Sveinssyni.

Smelltu hér til að fá söluyfirlit sent strax.

Nánari lýsing:
Aðal íbúð:
Forstofa er með flísum á gólfi, fataskáp og hita í gólfi. Innaf forstofu er gestasnyrting, en þar er vegghengt salerni og lítil innrétting með skolvask. Eldhús er ný tekið í gegn en það er með fallegri dökkri innréttingu og eyju með quartzite borðplötu. Í innréttingu er vínkælir, helluborð, ofn, innbyggður ísskápur, frystir og uppþvottavél. Stofa/borðstofa er í opnu og björtu rými með harðparketi á gólfi. Í stofu er fallegur arin. Úr stofu er gengið út á timburverönd í suðurátt. Baðherbergi er ný tekið í gegn. Á baði er frístandandi baðkar, 'walk in' sturta, vegghengd salerni, innrétting með tveimur skolvöskum og granít á borði. Flísar á gólfi. Úr bað er gengið inn á þvottahús með flísum á gólfi. Tengi er fyrir þvottavél og þurrkara. Svefnherbergin eru 5 talsins og öll með harðparketi á gólfi. Hol/gangur tengir saman herbergin. Af gangi er aðgengi upp á háaloft. Í holi er rými sem hægt væri að nýta sem lítið sjónvarpshol eða skrifstofu. Á pallinum er falleg nýleg pergola en þar er góður rafmagnspottur, grillaðstaða og setustofa. Nýlega hefur verið sett upp smartlæsing á aðalíbúð sem mun fylgja. Hiti er í gólfi í forstofu, stofu og eldhúsi.

Auka íbúð:
Forstofa er með flísum á gófi. Stofa og eldhús eru í opnu rými með harðparketi á gólfi. Eldhús er með nýlegri eldhúsinnréttingu. Í innréttingu er ofn og helluborð. Gert er ráð fyrir uppþvottavél í innréttingu. Salerni í sér rými og annað rými með sturtu og þvottavél. Svefnherbergi er rúmgott og með harðparketi á gólfi. Sérinngangur er í íbúðina. Í auka íbúð er aðgengi upp á háaloft.

Stúdíóíbúð:
Komið er í opið rými með stofu og eldhúsi. Baðherbergi er með sturtu. Sérinngangur er í íbúðina.

Endurbætur skv. seljanda:
Árið 2020 skipt um glugga, svalahurðir og þakkantur endurbættur.
Árið 2021 var pallur slípaður og lakkaður. Pergóla sett upp og rafmagnspottur tengdur. Gert grindverk, ruslatunnuskýli og tekið niður tré. Skipt var um rofa og tengla. Nýtt parket lagt í stúdíóíbúð og nýir gólflistar, skipt um blöndunartæki, vask og vaskaskáp.
Árið 2022 var sett í aukaíbúð nýtt parket, ný eldhúsinnrétting, ný hurð sett á svefnherbergi, sturta var færð og sett nýjar lagnir fyrir henni, nýtt salerni, vaskur og vaskaskápur. Í aðalíbúð var settur gólfhiti í eldhús, stofu, borðstofu og anddyri. Nýtt parket lagt, sett nýjar marmaraflísar í anddyri og salerni, ný innretting og vaskur á salernið, ný innrétting og tæki í eldhús. Sett upp auka rafmagnstafla á háaloft. Nýtt parket lagt á herbergi og gang. Settar upp nýjar hurðar og sagað gat fyrir háaloft (vantar gólflista á þau rými en þeir eru til). Úti við pall er búið að tengja og setja upp ný ljós í þakkant.
Árið 2023 var baðherbergi í aðalíbúð endurnýjað. Skipt var um lagnir í veggjum, lagt gólfhita, flísalagt með marmaraflísum og sett öll ný tæki. Þvottahús gert og flísar á gólf, ný innrétting, dregið í rafmagn og sett nýjar lagnir fyrir vélar og tengi fyrir vask. Byrjað var að helluleggja fyrir framan hús þar sem garðkofi er og verður klárað fyrir afhendingu.

Verð kr. 178.500.000,-