Stakkholt 4a

Sunna fasteignasala ehf. og Marta Jónsdóttir, lögfr. og lfs., kynna eignina Stakkholt 4a, 105 Reykjavík. 

Um er að ræða afar snyrtilega og rúmgóða 125 fm íbúð á jarðhæð með 3 svefnherbergjum, stóru þvottahúsi innan íbúðar, bílastæði í bílakjallara og stórum suðursvölum. Steinn er á borðplötu í eldhúsi og vandað rafrænt aðgangskerfi fylgir eigninni. 

Nánari lýsing:
Komið er inn í forstofu með tvöföldum fataskáp, á hægri hönd er rúmgott þvottahús með innréttingu í vinnuhæð og snúrum. Ljósar flísar eru á gólfi.
Svefnherbergin eru þrjú og eru þau öll með góðum fataskápum og parketi á gólfi. Hjónaherbergi er með þreföldum fataskáp. 
Baðherbergið er rúmgott með ljósri innréttingu, speglaskáp, vegghengdu salerni og sturtu með glerhlið.
Eldhúsið, stofan og borðstofan er mjög stórt og glæsilegt rými með parketi á gólfum. Eldhúsinnréttingin er með viðaráferð á neðri skápum og hvítum efri skápum. Ljós steinn er á borðplötunni. Bakaraofninn er frá Electrolux og helluborðið er frá Bosch. Bæði helluborðið og uppþvottavélin eru nýleg og fylgja eigninni. Gluggatjöld í stofu fylgja með eigninni. Stofan, borðstofan og eldhúsið eru rúmlega 40 fm að stærð.
Frá stofu er útgengt á stórar svalir sem snúa í suður. Um 30 fm sérafnotareitur, norðanmegin, fylgir eigninni (sjá teikningu).
Allar innréttingar eru sérsmíðaðar frá Trésmiðju GKS, og á það einnig við um fataskápana. 

Eigninni fylgir stæði í bílakjallara og dregið hefur verið í lagnir fyrir hleðslustöð. Geymslan sem fylgir eigninni er 10,3 fm. Þá er rúmgóð sameiginleg hjóla- og vagnageymsla í sameign.
Í húsinu er rafrænt aðgangskerfi sem hægt er að fjarstýra með appi. Þar á meðal lás að íbúðinni sjálfri. Þá eru öryggismyndavélar í sameign og í bílakjallara. Öll þrif og aukin umsjón eru innifalin í hússjóð. 

Húsið er vandað, byggt af ÞG-Verk, og klætt viðhaldslítilli klæðningu. Stigagangar eru teppalagðir og anddyri er flísalagt, með vönduðum dyrasíma. Snjóbræðsla er í rampi að bílakjallaranum og hellulögðum göngustígum. Skemmtilegt leiksvæði er á lóðinni fyrir börn og allt umhverfi til mikillar fyrirmyndar. 

Virkilega snyrtileg og falleg eign sem vert er að skoða. 

Nánari upplýsingar veitir Marta Jónsdóttir, lögfr. og lfs., í síma 8633445 og netfanginu marta@sunnafast.is.