Efstaleiti 10

Valhöll kynnir rúmgóða þriggja til fjögurra herbergja íbúð á 3. hæð (engin íbúð fyrir ofan) í lyftuhúsi í Efstaleiti 10 í Reykjavík. Stæði í upphitaði bílageymslu fylgir með. Glæsilegt útsýni er úr íbúðinni til austur, suður og vestur, til fjalla og sjávar. Sameignin er einstaklega vegleg og telur m.a. sundlaug, heitan pott, saunu, líkamsræktarsal, veislusal, setustofur, billiardaðstöðu og fleira. Húsvörður er búsettur í húsinu, í íbúð sem er í eigu húsfélagsins, og sér hann um daglegan rekstur hússins og viðhald.

Smelltu hér til að sjá myndband af eigninni.

Húsið, Efstaleiti 10-14, heitir Breiðablik og var það teiknað af arkitektunum Garðari Halldórssyni og Ingimuni Sveinssyni. Það var byggt árið 1985 og þótti lengi eitt glæsilegasta fjölbýlishús landsins og þykir jafnvel enn. Glæsilegt útsýni er frá húsinu og einstaklega vegleg sameign. Frábær staðsetning miðsvæðis í Reykjavík. Örstutt í verslanir og alla helstu þjónustu. Útivistarsvæði og fallegar gönguleiðir eru í næsta nágrenni.

Íbúðin er skráð 154,3 fm að stærð og skiptist hún í 144,8 fm íbúð og 9,5 fm geymslu. Til viðbótar eru svo 8 fm svalir ásamt stæði í bílageymslu.

Íbúðin skiptist í anddyri, mjög stóra stofu / borðstofu, svefnherbergi, herbergi innaf stofu, skrifstofu / sjónvarpsrými, baðherbergi og eldhús. Geymslan er svo í kjallara.

Léttur veggur skilur að stofu og eldhús og væri hægt að opna þar á milli. Gegnheilt eikarparket með fiskibeinamunstri er á gólfum nema það eru flísar á baðherbergi.

Nánari lýsing:
Anddyri: með fataskáp og parketi á gólfi.
Stofa / borðastofa: mjög rúmgóð með björtum gluggum, glæsilegu útsýni, parketi á gólfi og útgengi á suður svalir.
Eldhús: með viðarinnréttingu, miklu skápaplássi, tveimum ofnum, uppþvottavél, borðplássi og parketi á gólfi. 
Baðherbergi: með innréttingu, sturtuklefa, handklæðaofni, aðstöðu fyrir þvottavél og þurrkara og flísum á gólfi.
Svefnherbergi: mjög rúmgott herbergi með mikilli lofthæð, góðu skápaplássi, parketi á gólfi og útgengi á svalir.
Herbergi: innaf stofu með rennihurð og parketi á gólfi.
Skrifstofa / sjónvarpsrými: með parketi á gólfi.
Geymsla: 9,5 fm sérgeymsla í kjallara.

Lóðin: 
Lóðin er fullfrágengin með fjölda bílastæða á malbikuðu plani, hellulögðum stéttum og fallegum gróðri. Baklóðin er öll afgirt og þar er m.a. að finna upphitaða stóra sundlaug og heita potta.

Hússjóður:
Hússjóðsgjöldin eru 145.000 kr. á mánuði.

Nánari upplýsingar veitir:
Snorri Björn Sturluson fasteignasali / lögfræðingur í síma 699-4407 eða í tölvupósti á netfangið snorribs@valholl.is
Óskar H. Bjarnasen fasteignasali / lögfræðingur í síma 691-1931 eða í tölvupósti á netfangið oskar@valholl.is

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.