Grundarstígur 6

Fasteignasala Sauðárkróks býður til sölu fasteignina við Grundarstígur 6, Sauðárkróki ásamt tilheyrandi leigulóðarréttindum. 
Vel skipulagt fimm herbergja einbýlishús á einni hæð og bílskúr, alls 166,6 fm.
Íbúðarhúsið er alls 133,8 fm. og bílskúr er 32,8 fm.
Leigulóð hússins er alls 606 fm.
Eignin er vel staðsett og ýmis þjónusta í göngufæri s.s. skóli, leikskóli, íþróttasvæði, sundlaug, verslun, líkamsræktatstöðvar o.fl.
Snyrtileg eign í góðu ástandi sem hefur verið vel við haldið.

Íbúðarhúsið skiptist í 4 herbergi, stofu, eldhús, baðherbergi, gestasnyrtingu, forstofu og þvottahús.
Gengið inn í flísalagða forstofu með fatahengi. 
Við forstofu er gestasnyrting og parketlagt herbergi með skápum. 
Frá forstofu er komið í parketlagt hol og þar við er stofa, eldhús og herbergisgangur. 
Stofa er parketlögð. Gluggar snúa til norður og vesturs.
Eldhús er flísalagt og með upprunalegri innréttingu. Gott skápapláss. 
Frá eldhúsi er komið í þvottahús. Í þvottahúsi er vaskur. 
Útihurð frá þvottahúsi út á bílastæði. Hægt er að komast inn á herbergisgang frá þvottahúsi.
Herbergisgangur parketlagður. Við ganginn eru 3 svefnherbergi og baðherbergi. 
Við enda gangsins er gengið út á pall sunnan við húsið.
Herbergi eru öll parketlögð og skápar í hjónaherbergi.
Á baðherbergi eru flísar á gólfi og veggjum, viðarinnrétting með ljósri borðplötu, stór sturta og baðkar.

Að utan er húsið almennt í góðu ástandi. Það var nýlega málað. 
Bílskúr er staðsettur austan við húsið. Bílskúrshurð er upprunaleg. 
Í garði er góður pallur sunnan við húsið.
Geymsla er byggð við bílskúrinn. Plan er hellulagt og hluti lóðar er malarborinn.

Nánari upplýsingar og söluyfirlit hjá Fasteignasölu Sauðárkróks í síma 453 5900 eða á netfangið fasteignir@krokurinn.is
Sunna Björk Atladóttir lögmaður og löggiltur fasteignasali