Móstekkur 21

TORG FASTEIGNASALA KYNNIR Í SÖLU: Fallegt, 99,8 fm, fjögurra herbergja raðhús með sér inngang, við Móstekk 21, Selfoss. Íbúðin skiptist í anddyri, alrými með stofu og eldhúsi, þrjú svefnherbergi, baðherbergi ásamt þvottahúsi. Sérafnotareitur út frá stofu til suðvesturs og stæði fyrir framan hús. Góð staðsetning á Selfossi þar sem stutt er í alla þjónustu, verslanir og skóla. Leigjandi er í eigninni og er eignin laus með þriggja mánaða fyrirvara.

Allar nánari upplýsingar veitir Matthildur Sunna Þorláksdóttir, lögfræðingur og löggiltur fasteignasali, í síma 690-4966 eða matthildur@fstorg.is.
 
Nánari lýsing:
Gengið er inn í anddyri með góðu skápaplássi. Inn af anddyri er gengið inn í alrými með bjartri stofu og opnu eldhúsi með hvítri innréttingu og dökkri borðplötu, innbyggðum ísskáp og frystir og innbyggðri uppþvottavél. Útgengt er úr stofu út í garð þar sem möguleiki er að gera pall. Þrjú svefnherbergi eru í húsi, hjónaherbergi og tvö rúmgóð barnaherbergi (annað skráð geymsla), öll með fataskápum. Baðherbergi er rúmgott, flísalagt að miklum hluta með ljósum flísum, með hvítri innréttingu, innbyggðum klósettkassa og sturtu með glervegg. Þvottahús er innan húss, sem gæti einnig nýst sem geymsla. Hiti er í gólfum hússins. Vínylparket er á öllum rýmum eignar nema baðherbergi.


Forsendur söluyfirlits: 
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. 

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila. Þinglýsingargjald hvers skjals er kr. 2.700,-. Lántökugjald lánastofnunar skv. gjaldskrá viðkomandi lánveitanda. Umsýsluþóknun fasteignasölu skv. gjaldskrá. Ef um nýbyggingu er að ræða greiðir kaupandi skipulagsgjald, 0,3% af brunabótamati, þegar það er lagt á. 
 
TORG fasteignasala bendir fasteignakaupendum á ríka skoðunarskyldu kaupenda sem kveðið er á í lögum um fasteignakaup nr. 40/2002. Skorað er á kaupendur að kynna sér vandlega ástand fasteigna og nýta til þess aðstoð sérfræðinga. Sömuleiðis er bent á upplýsingaskyldu seljanda samanber 26.gr. Laga nr.40/2002 um fasteignakaup og 25.gr. laga nr.26/1994 um fjöleignarhús. Seljanda er bent á að kynna sér tilvitnaðar lagagreinar.