Ljárskógar

CROISETTE kynnir í einkasölu jörðina Ljárskóga í Dölum en um þessa einstaklega fallegu jörð rennur áin Fáskrúð í Dölum. Jörðin er tæpir 11.000 hektarar að stærð og á henni stendur meðal annars veiðihúsið fyrir Fáskrúð, allir vegslóðar meðfram ánni fyrir veiðimenn sem og langmest aðgengi að veiðum í þessari nafntoguðu laxveiðiá.

Undanfarin ár hefur mikil skógrækt verið í undirbúningi og hafa fyrstu skref að henni þegar verið tekin en verið er að undirbúa skóg þar sem sala kolefnisspora er hluti af framtíðarsýn verkefnisins. Verkefnið er langt komið og vel skipulagt.  Í tenglsum við frekari uppbyggingu á laxveiðinni í Fáskrúð hefur verið teiknað mannvirki sem fellur vel inní landsslagið við eftstu mörk Fáskrúð þar sem fyrirhugað er að reisa vatnsmiðlun sem á eftir að koma í veg fyrir að áin falli eins og vel er þekkt í örðum ám á svæðinu þegar það er þurrkatíð.  Vatnsmiðlunin á eftir að gera ánna jafnari í vatni, koma í veg fyrir skyndiflóð og bæta skilyrði göngulaxa og seiða til mikilla muna. Teikningar eru þegar til og samtal við sveitarfélagið langt á veg komnar.  Fyrir liggur samningur til fjögurra ára um leigu á ánni við jörðina Glerárskóga sem á helminginn í ánni á móti Ljárskógum en viðræður eru um að gera tíu ára samning um ánna við Ljárskóga.  Veiðihúsið er nýlega uppgert og er hið glæsilegasta. en það er 157 fm að stærð.  Þar er rými fyrir 6-8 veiðimenn.  Veiðihúsið er rekið í sjálfsmennsku.

Jörðin er einnig afskaplega góð til rjúpnaveiða og er mikið af rjúpu á landinu.  Rjúpnaveiðar hafa verið stundaðar síðustu tólf ár með það í fyrirrúmi að veiða í hófi og hefur rjúpnastofnin af þeim sökum verið fjölmennur og fugl í stórum hópum á haustinn víða um svæðið.  Berjaland er einstaklega gott og nær langt upp á heiði.

Þetta er einstakt tækifæri fyrir framtakssama aðila að festa sér eina af fallegustu laxveiðiám vesturlands þar sem möguleikar á uppbyggingu á laxveiðinni eru miklir.  Laxveiðin í ánni hefur ekki verið fullnýtt síðustu tíu ár og gefa því veiðitölur ekki rétta mynd af möguleikum til uppbyggingar en Fáskrúð getur auðveldlega, og þá sérstaklega þegar vatnsmiðlun er komin í gagnið, skilað 300-400 laxa veiði á ári.

Fasteignasali hefur öll ítarleg gögn um jörðina, veiðina, framkvæmd skógræktar, undirbúning vatnmiðlunar, umhverfismöt vegna skógræktar og miðlunar ásamt örðum ítarlegri gögnum.  Allar frekari upplýsingar veitir Karl Lúðvíksson löggiltur fasteignasali í S: 663-6700 eða á kalli@croisette.is

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Croisette home fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
 - Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.
 - Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal.
 - Lántökugjald lánastofnunar. Um lántökugjald vísast í gjaldskrá viðkomandi lánveitanda.
 - Umsýsluþóknun fasteignasölu skv. gjaldskrá.
 - Ef um nýbyggingu er að ræða greiðir kaupandi skipulagsgjald, 0,3% af væntanlegu brunabótamati, þegar það er lagt á.