Hrísateigur 32

RE/MAX og Guðrún Lilja löggiltur fasteignasali kynna í einkasölu: Fallegt og vel skipulagt raðhús á þremur hæðum ásamt bílskúr og aukaíbúð í kjallara á einum eftirsóttasta stað í Laugardalnum.   Um er að ræða góða fjölskyldueign sem sameinar rúmgóð og björt rými, fjögur svefnherbergi, skjólgóðan suðurgarð, sérinngang að aukaíbúð og fjölmarga möguleika fyrir stórar fjölskyldur.  Íbúðarými er skráð 192,1 fm. og bílskúr 24,9 fm.  Samtals birt stærð 217,0 fm.  Einnig er óskráð rými í bílskúr.  Falleg og snyrtileg aðkoma er að húsinu, húsið hefur m.a. verið múrviðgert og málað, þak endurnýjað. Útitröppur hafa verið endurnýjaðar og hitalögn í stétt fyrir framan hús. Gott húsfélag og virkt samstarf. 

Falleg og vel staðsett eign í rólegu og eftirsóttu hverfi í Laugardalnum. Stutt er í alla helstu þjónustu, leik- og grunnskóla. Líkamsrækt og sundlaug Laugardals í næsta nágrenni.

KÍKTU Í HEIMSÓKN OG SJÁÐU EIGN Í 3D MEÐ ÞVÍ AÐ SMELLA HÉR

FÁÐU SÖLUYFIRLIT MILLILIÐALAUST MEÐ ÞVÍ AÐ SMELLA HÉR

Nánari upplýsingar veitir Guðrún Lilja í síma 867-1231 eða með tölvupósti gudrunlilja@remax.is

Nánari lýsing aðalhæð:  Aðalhæð skiptist í forstofu, eldhús, borðstofu og stofu, opið hol og gestasalerni. Úr stofu er útgengt út í garð til suðurs. Á efri hæð eru fjögur rúmgóð svefnherbergi, baðherbergi og suður svalir.
Forstofa er með fatahengi og efri skápum.
Gestasalerni er staðsett við forstofu. Flísalagt að hluta, með salerni, vaski og góðum opnanlegum glugga.
Eldhús er með eldri innréttingu, borðkrók og stórum opnanlegum glugga. Parket á gólfum.
Gangur/hol er flísalagður með fataskápum og fallegum stiga upp á efri hæð.
Stofa og borðstofa er í stóru og björtu alrými, parket á gólfum.  Útgengt út á svalir til suðurs með tröppum niður í garð.  Sér garður, stór og gróinn.
Fjögur svefnherbergi eru á efri hæð, öll með fataskápum.  Úr tveimur svefnherbergjum sunnanmegin er útgengt út á svalir til suðurs.
Baðherbergi á efri hæð er með eldri vaskinnréttingu, salerni og sturtubaðkari.

Nánari lýsing kjallari og aukaíbúð:  Í kjallara er sérinngangur fyrir framan hús en einnig er innangengt niður í kjallara frá aðalhæð hússins.  Kjallari telur forstofu/opið hol, geymslu (með tengi fyrir salerni), þvottahús með sturtu og lagnarými. Aukaíbúð er tveggja herbergja með eldhúsi, stofu og svefnherbergi ásamt sér salerni.  
Forstofa er flísalögð, þar teppalagður stigi upp á efri hæð hússins.
Geymsla er í forstofu, en möguleiki að setja upp salerni þar sem tengi eru til staðar.
Þvottahús er rúmgott með vaskinnréttingu og opnanlegum gluggum, gólf flísalagt.  Í þvottahúsi er jafnframt lagnarými og flísalagður sturtuklefi sem hefur verið nýttur fyrir aukaíbúð.
Eldhús aukaíbúðar er með fallegri hvítri innréttingu, svartri borðplötu og góðum efri skápum.  Helluborð og bökunarofn. Í eldhúsrými/holi er jafnframt fataskápur, parket á gólfum
Stofa er rúmgóð og björt með parketi á gólfum.  Stofa og svefnherbergi snúa út í garð, léttir milliveggir á milli rýma.
Svefnherbergi er rúmgott og bjart með parketi á gólfum.
Baðherbergi er með vaski, spegli og salerni. 

Nánari lýsing bílskúr: Bílskúr er staðsettur í bílskúrslengju meðfram götu. Rafmagn og hiti til staðar. Gluggar eru í rými á efri hæð. Á neðri hæð bílskúrs er óskráð rými, um 24,9 fm. sem hefur verið nýtt sem smíðaverkstæði.
Bílastæði íbúðar fyrir framan bílskúr en jafnframt eru sameiginleg stæði á lóð fyrir framan hús.

Framkvæmdir og viðhald síðustu ára:
2025: Útitröppur steyptar upp og lagaðar fyrir framan hús.
2023: Þakframkvæmd á vegum húsfélags. Timbur og borðaklæðning var skipt út að hluta til. Nýr þakpappi og nýtt bárujárn á allt þak. Nýjar þakrennur og niðurfallsrör. Settar loft- og stammatúður. Eldri skorsteinn fjarlægður.
2022-2023: Húsið málað að utan og gluggar málaðir að hluta.  Gler og glerlistar endurnýjaðir á austurgafli hússins.
2020: Ytra byrði húss yfirfarið að hluta.  Múrviðgerðir og málning að utan. Hitalögn sett í stétt fyrir framan hús að hluta. 
2008: Auka íbúð í kjallara endurnýjuð að hluta.  Sett ný gólfefni, ný eldhúsinnrétting, skipt um gler að hluta.

Engar fyrirhugaðar framkvæmdir á vegum húsfélags en rætt hefur verið að skoða þak á bílskúrum en ekkert ákveðið í þeim efnum. Sex íbúðarhluta eru í raðhúsalengjunni Hrísateig 26-36.

Staðsetning er einstaklega góð og miðsvæðis.  Laugarnes- og Laugalækjarskóli eru í nokkurra mínútna fjarlægð, World Class og sundlaug Laugardals ásamt íþróttasvæði Þróttar og öllu því sem Laugardalurinn hefur upp á að bjóða. Verslun og þjónusta skammt frá og stutt í stofnbrautir. Arkitekt hússins er Gísli Halldórsson og var það teiknað árið 1960.  Fyrirhugað fasteignamat 2027 er kr.156.400.000,-

Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Um skoðunar- og aðgæsluskyldu: Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Remax fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Gjöld sem kaupandi þarf að standa straum af vegna kaupanna:  1. Stimpilgjald af kaupsamningi - 0,8%(einstaklingar) 1.6% (lögaðilar) af heildarfasteignamati.   2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 3.800 af hverju skjali.  3. Lántökugjald lánastofnunar - almennt 45-75 þús.kr. Nánari upplýsingar á heimasíðu lánastofnana.   4. Umsýslugjald til fasteignasölu kr. 69.900 mvsk.