Lágaleiti 3

Aron Bjarnason aðstoðarmaður fasteignasala hjá Betri Stofunni fasteignasölu kynnir Lágaleiti 3:

Einstaklega fallega, bjarta og vel skipulagða þriggja herbergja íbúð miðsvæðis í Reykjavík. Húsið er byggt árið 2019 og er teiknað af Arkþing Nordic arkitektastofu. Íbúðin er skráð 106 fm og er á jarðhæð með verönd. Tvö svefnherbergi eru í íbúðinni, baðherbergi og þvottahús. Í kjallara hússins er rúmgóð sérgeymsla og sér bílastæði með hleðslustöð fyrir rafmagnsbíl.

Nánari lýsing á eigninni:
Forstofa með skápum og gangur. Parket er á gólfum í alrými.
Stofa og borðstofa eru til vinstri þegar komið er inn og mynda saman bjart og fallegt rými með útgengi út á verönd.
Eldhúsið er í sama rými og stofan. Það er með eldhúsinnréttingu ásamt eyju sem er hönnuð af GKS með góðu skápaplássi og vönduðum tækjum.
Hjónaherbergi er á gangi ásamt barnaherberginu, það er rúmgott með góðu skápaplássi.
Barnaherbergi er við hlið hjónaherbergisins.
Baðherbergið er flísalagt með flísum frá Marazzi og með walk-in sturtu. Upphengt salerni og handklæðaofn. Baðinnrétting með vaski og speglaskáp.
Þvottahús er við hlið eldhússins og er flísalagt. Það er með borðplötu og vaski, innréttingu með aðstöðu fyrir bæði þvottavél og þurrkara. Útdraganleg þvottahengi eru í þvottahúsinu.
Geymsla er rúmgóð og er að finna í kjallara hússins.
Bílastæði – sér bílastæði í bílakjallara með hleðslustöð fyrir rafmagnsbíl.
 
Á sameiginilegri lóð er fallegur og snyrtilegur inngarður með leiksvæði, göngustígum ásamt opinni hjóla og vagnageymslu. Í göngufæri við íbúðina eru bæði leik- og grunnskólar, veitingastaður, Kringlan og Austurver þar sem hægt er að sækja alla helstu þjónustu.
Rut Káradóttir innanhússarkitekt sá um að velja saman efni og liti á innréttingum, flísum og borðplötum. Þessa snyrtilegu og fallegu íbúð er vert að skoða, hafið endilega samband til að bóka skoðun.

Allar nánari upplýsingar veitir:
Aron Bjarnason aðstoðarmaður fasteignasala í síma 845-8814 eða með tölvupósti á aron@betristofan.is
Atli S. Sigvarðsson löggiltur fasteignasali í síma 899-1178 eða með tölvupósti á atli@betristofan.is