Hraunbrún 28

RE/MAX / Brynjar Ingólfsson kynnir: Einbýlishús ásamt bílskúr á einstakri lóð rétt við Víðistaðatún.

- 4 svefnherbergi í dag en hægt að vera með 5
- Fyrirhuguð stækkun lóðar úr 487,1 m² í 717,1 m² samkvæmt tillögu að deiliskipulagsbreytingu
- SKOÐAÐU EIGNINA Í 3D (LINKUR KEMUR INNAN SKAMMS)

Eignin er skráð hjá FMR 165,6 m², þar af er íbúðin 132 m² og bílskúrinn 33,6 m².

Miðhæð
Gengið er inn í anddyrið á miðhæðinni. Gólfið er flísalagt með opnu fatahengi.
Baðherbergið er flísalagt með baðkari. Gluggi fyrir loftun.
Stofan er rúmgóð og björt með upprunalegum gólffjölum sem voru slípaðar árið 2024.
Eldhúsið er með kork á gólfi og borðkrók. Stæði fyrir uppþvottavél og tvöfaldan ísskáp. Ofn í vinnuhæð. Útgengt er út í bakgarðinn frá eldhúsinu.
Rishæð
Frá stofunni er gengið upp í bjart hol.
Herbergi 1 er rúmgott með glugga og þakglugga. Opið fatahengi.
Hjónaherbergið er með opnum fataskáp, þakglugga og útgengt út á svalir.

Kjallari
Herbergi 3 er rúmgott með parket á gólfi.
Herbergi 4/5 er stórt en var áður tvö herbergi. Auðvelt er að setja aftur upp vegg á milli og þá væru aftur þrjú svefnherbergi í kjallaranum.
NA-herbergi í kjallara var endurnýjað árið 2024, m.a. gólfefni, raflagnir, loftaeinangrun og loftaklæðning.
Þvottahús með innréttingu, vinnuvaski, sturtu og glugga fyrir loftun. Blöndunartæki fyrir heita pottinn er í þvottahúsinu.
Salerni með klósetti og vaski. Flísar á gólfi.
Geymsla er við stóra herbergið (óupphituð).
Útgengt er út í bakgarðinn frá kjallaranum og því stutt að fara í pottinn.

Garðurinn
Lóðin er einstaklega falleg og er garðurinn sannkallaður ævintýragarður. Húsið stendur alveg við hraunið og myndast þar mjög skjólgóður staður bak við húsið. Heitur pottur var settur í garðinn árið 2020. Pallur var slípaður árið 2025, framgarður tyrfður og gangstígur hellulagður.
Fyrir liggur tillaga að breytingu á deiliskipulagi þar sem gert er ráð fyrir að lóðin stækki úr 487,1 m² í 717,1 m². Um er að ræða um 230 m² hraunsvæði sunnan við húsið sem myndi bætast við lóðina. Stækkunin felur ekki í sér aukinn byggingarrétt og óheimilt er að raska hrauninu

Bílskúrinn
Heitt og kalt vatn ásamt rafmagni er í bílskúrnum. Rafdrifin hurð og inngönguhurð á hlið bílskúrsins. Gluggar með opnanlegum fögum.

Framkvæmdir og viðhald 2024–2025
Á síðustu árum hefur verið farið í töluverðar framkvæmdir og viðhald á eigninni. Árið 2025 var drenað meðfram norður- og austurhlið hússins að bílskúr og afrennsli af þaki veitt í púkkgryfju. Olíugeymir var fjarlægður, framgarður tyrfður, gangstígur hellulagður og pallur slípaður. Kaldavatnsinntak var endurnýjað frá götu og inn í grind og hitaveituinntaksloki endurnýjaður inni í húsi.
Ídráttarrör voru lögð í jörð frá rafmagnstöflu fyrir tengla í garði og með fyrirhugaða uppfærslu á bílahleðslu í huga. Skólplögn var mynduð frá miðju húsi og út í brunn. Steypurör eru að hluta næst húsinu en enginn galli fannst við myndun.
Árið 2024 voru raflagnir endurnýjaðar að hluta. NA-herbergi í kjallara var endurnýjað, þar á meðal gólfefni, raflagnir, loftaeinangrun og loftaklæðning. Þá voru gólffjalir í stofu slípaðar.

Staðsetningin er einstaklega góð, rétt við Víðistaðaskóla og Hjalla. Stutt er í alla helstu þjónustu.

Allar frekari upplýsingar um eignina veitir:
Brynjar Ingólfsson MSc, löggiltur fasteignasali í síma 666 8 999 / brynjar@remax.is