Skálagerði 15

LIND fasteignasala og Helga Pálsdóttir löggiltur fasteignasali kynnir 67,3 m2, 3.herbergja endaíbúð á 1. hæð í litlu fjölbýli með útgengt á sólpall sem snýr til vesturs og sameiginlegan garð. Góð aðkoma er að húsinu sem stendur á rólegum stað, innst í botnlangagötu. Góð staðsetning og stutt í alla helstu þjónustu, skóla og leikskóla. Skv. opinberum skráningum er birt flatarmál séreignar 67,3 m2 - þar af er geymsla í kjallara 4,3 m2. Í sameign er þvottahús, þurrkherbergi, hjóla- og vagnageymsla, sorpgeymsla og garður.

Nánari lýsing eignar
Fyrir framan húsið er upphitaður hellulagður stígur. Innan eignarinnar er forstofa, hol, eldhús, svefnherbergi, baðherbergi og stofa auk hlutdeildar í sameign.

Forstofa: Komið er inn í forstofu/gang. Við enda hans er hol með útskoti fyrir fatahengi.
Stofa og borðstofa er opin og björt með útgengi á sólpall og sameiginlegan garð.
Baðherbergi með sturtuklefa, upphengdu salerni, vaskinnréttingu, veggskáp og handklæðaofni. Baðherbergið er með opnanlegum glugga og er flísalagt í hólf og gólf. 
Eldhúsið er bjart með borðkrók og gluggum til tveggja átta, hvítri innréttingu með flísum á milli efri og neðri skápa, bakaraofni, spanhelluborði, stálvaski og lítilli uppþvottavél. Gott skápapláss.
Hjónaherbergi með rúmgóðum fataskáp sem nær til lofts.
Barnaherbergi með parketi á gólfi.
Geymsla í kjallara með hillum og rafmagnsinntaki.

Gólfefni: Harðparket í hjónaherbergi, flísar í forstofu og baðherbergi en að öðru leyti er íbúðin eikarparketlögð.  
Sameign: Þvottahús í kjallara með tengi fyrir þvottavél og þurrkara fyrir hverja íbúð, vagna- og hjólageymsla og þurrkherbergi.

2020 voru skólp- og drenlagnir endurnýjaðar og lagðar hellur með snjóbræðslu. Allar upplýsingar um eignina veitir Helga Pálsdóttir í síma 822 2123 eða helga@fastlind.is