Stekkjartún 16

Stekkjartún 16 - Falleg 5 herbergja parhúsaíbúð á einni hæð með bílskúr í Naustahverfi - samtals 157,2 m² að stærð og þar af telur bílskúr 32,2 m² 

** Eigandi skoðar skipti á minni íbúð **

Eignin skiptist í forstofu, 4 svefnherbergi, gang, stofu, eldhús, baðherbergi, þvottahús, bílskúr og geymslur. 

Forstofan er með flísum á gólfi og stórri skápaeiningu. Önnur forstofa er innaf bílastæði og þar er jafnframt þvottahúsið, á milli íbúðar og bílskúrs.  Þar eru flísar á gólfi og ljós innrétting fyrir þvottavél og þurrkara. Úr þvottahúsinu er farið annars vegar í bílskúr og hins vegar inná gang íbúðarinnar. 
Eldhúsið er með flísum á gólfi, ljósri innréttingu, góðum tækjum, gas eldavél, háfi og innfelldri uppþvottavél sem fylgir með við sölu.  Opið er á milli eldhúss og stofu.
Gangur er með parketi á gólfi og þar er hvítur veggskápur sem fylgir með við sölu.
Stofan er opin, rúmgóð og björt, hlynsparket á gólfi og útgangur til suðurs á um 70 m² steyptan sólpall með timbur skjólvegg. 
Svefnherbergin eru fjögur talsins, öll með fataskápum og hlynsparketi á gólfum.
Baðherbergið er með flísum á gólfi, snyrtilegri innréttingu og skáp, sturtuklefa, upphengdu klósetti og handklæðaofn. 
Bílskúrinn er flísalagður og innaf honum er geymsla og yfir honum er gott geymsluloft sem er yfir öllum skúrnum. Rafknúinn hurðaopnari á innkeyrsluhurð og búið er að leggja fyrir bílhleðslustöð. Hurð úr geymslunni og út í garð til suðurs. 

Steypt stétt er framan við húsið og þar er stæði fyrir tvo bíla.  Hitalagnir eru í stétt að aðalinngangi sem og í bílastæði.
Sunnan við húsið er 70 m² skjólgóður steyptur pallur, grasflöt og beð með plöntum. Malarplan er vestan við húsið og þar er t.d. hentugt að geyma hjólhýsi.

Annað
- Gólfhiti er í allri íbúðinni.
- Sér hiti og rafmagn.
- Vel skipulögð og vel staðsett eign í Naustahverfi.