Engjavegur 55

Engjavegur 55, Selfossi

Um er að ræða 135,6 fm. steinsteypt einbýlishús ásamt 40,8 fm. frístandandi bílskúr sem byggður er úr timbri.  Húsið er byggt árið 1967 en bílskúrinn árið 1976.  Að utan er húsið flísalagt en bárujárn er á þaki.    Bílskúrinn er klæddur með timburklæðningu en bárujárn er á þaki og er það um tveggja ára gamalt.  Að innan er íbúðarhúsið fjögur svefnherbergi, stofa, borðstofa, baðherbergi, eldhús, þvottahús, geymsla og búr, hol auk forstofu.  Parket er á gólfum í stofu,holi, eldhúsi og borðstofu.  Flísar eru á forstofu, þvottahúsi og baði. Í eldhúsinu er kirsuberjaviðarspónlögð innrétting.  Á baðinu er hvít innrétting og sturta.  Fataskápar eru í forstofunni og þremur herbergjanna. Útgengt er á baklóð úr þvottahúsi.  Sólpallur er við húsið framanvert. Bílskúrinn er með álflekahurð með rafmagnsopnara. Innkeyrsla er steypt.  Lóðin er vel gróin. Stutt er í skóla, sundlaug og íþróttasvæði frá húsinu.