Tangabryggja 18

Ástþór Reynir, löggiltur fasteignasali og Ragna Steinunn, aðstoðarmaður fasteignasala hjá RE/MAX, kynna í sölu bjarta og einstaklega fallega 3 herbergja 115,8 fm tveggja hæða íbúð á 4. hæð í lyftuhúsi við Tangabryggju 18 ásamt sérmerktu stæði í bílageymslu.

Um er að ræða einstaklega fallega eign í vönduðu húsi frá árinu 2018 byggð af ÞG Verk, staðsetta í vinsælu og ört vaxandi hverfi þar sem stutt er í fallegar gönguleiðir við Grafarvog og útivistarsvæði í Árbæ.
Íbúðin er afar vel skipulögð með tveimur baðherbergjum, rúmgóðu alrými, tveimur svölum og mikilli lofthæð sem skapar bjart og opið yfirbragð.

Eignin skiptist þannig:
Á neðri hæð tekur á móti rúmgott alrými með góðu skápaplássi. Eldhús, borðstofa og stofa mynda fallegt opið rými með útgengi út á austursvalir. Eldhúsið er sérlega vandað með hvítri innréttingu, dökkum borðplötum og eyju með helluborði og háfi. Innbyggður ísskápur og uppþvottavél.
Herbergi á neðri hæð er rúmgott með góðum skápum og þakglugga.
Baðherbergið er flísalagt í hólf og gólf með rúmgóðri sturtu, upphengdu salerni, handklæðaofni og fallegri innréttingu með upplýstum speglaskáp.
Sér þvottahús er með flísalögðu gólfi.
Ljóst harðparket er á allri hæðinni.
Fallegur og veglegur stigi liggur upp á efri hæð þar sem komið er í opið rými sem nýtist vel sem sjónvarpshol eða vinnuaðstaða. Þaðan er útgengt út á rúmgóðar vestursvalir með fallegu útsýni.
Á efri hæð er rúmgott hjónaherbergi með sér baðherbergi með sturtu og upphengdu salerni. Inn af herberginu er lítið rými sem nýtt er sem fataherbergi í dag.

Nánari upplýsingar:
-Sérmerkt bílastæði í lokaðri bílageymslu
-7,4 fm sérgeymsla
-Sameiginleg hjólageymsla
-Lyftuhús
-Tvö baðherbergi
-Tvennar svalir
-Innréttingar frá GKS framleiddar af Nobilia í Þýskalandi
-Húsið klætt með álklæðningu sem tryggir lágmarks viðhald
-Heitur pottur á svölum fylgir með.

Hér er um að ræða einstaklega smekklega og vel nýtta eign á frábærum stað þar sem stutt er í alla helstu þjónustu, skóla, leikskóla og fallega náttúru.

Allar nánari upplýsingar um eignina veitir: 
Ragna Steinunn Arnarsdóttir aðstoðarmaður fasteignasali í síma 858-9494 eða ragna@remax.is
Ástþór Reynir löggiltur fasteignasali í síma 899-6753 eða arg@remax.is

Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi - 0,8%(einstaklingar) 1.6% (lögaðilar) af heildarfasteignamati. 
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar - almennt 45-75 þús.kr. Nánari upplýsingar á heimasíðu lánastofnana. 
4. Umsýslugjald til fasteignasölu kr. 69.900 mvsk.