Langahlíð 6 íbúð 201

Fasteignasalan Hvammur 466 1600

Langahlíð 6 íbúð 201 - Skemmtileg 5-6 herbergja efri hæð með sér inngangi og bílskúr í fjórbýlishúsi á vinsælum stað í Glerárhverfi - stærð 188,1 m²

Eignin skiptist í forstofu, stigapall, eldhús, sjónvarpshorn, stofu og borðstofu, gang, fjögur svefnherbergi og baðherbergi. Í kjallaranum er herbergi/geymsla.

Forstofa og stigapallur eru með gráum flísum á gólfi og á stiga er grátt teppi. Á stigapallinum er stór fataskápur. 
Eldhús var endurnýjað árið 2014. Sérsmíðuð hvít sprautulökkuð innrétting og eyja frá Tak innréttingum með flísum á hluta veggja. AEG span helluborð og ofn.
Sjónvarpshorn er með ljósu harðparketi á gólfi og stórum glugga til vesturs. 
Stofa og borðstofu eru í opnu rými, þar er ljóst harðparket á gólfi og stórir gluggar til suður og vesturs og hurð út á rúmgóðar suðvestur svalir sem voru stækkaðar fyrir nokkrum árum.
Gangur er með ljósu harðparketi á gólfi og hvítum fataskápum. 
Svefnherbergin eru fjögur, þrjú barnaherbergi, öll með ljósu harðparketi á gólfi og eitt með fataskáp og svo hjónaherbergi með fataherbergi inn af.
Baðherbergi var endurnýjað árið 2016. Þar eru flísar á gólfi og veggjum, hvít innrétting, upphengt wc, handklæðaofn, sturta og opnanlegur gluggi. Tengi eru fyrir þvottavél og þurrkara inn á baðherberginu. 
Í kjallaranum er herbergi/geymsla með dúk á gólfi og opnanlegum glugga.  
Bílskúr er skráður 28 m² að stærð. Þar er lakkað gólf og út í hann liggur rafmagn en ekkert rennandi vatn. Hann er kynntur með lausum rafmagnsofni í dag. Fyrir framan er steypt og hellulagt bílaplan.

Annað
- Baðherbergi, gólfefni í forstofu og á stig og innihurðar var endurnýjað árið 2016. Þá voru inntök endurnýjuð og hluti af bílaplani og stétt hellulagt.
- Frárennslislagnir hafa verið endurnýjaðar.
- Eldhús var endurnýjað árið 2014.
- Pappi á þaki var endurnýjaður fyrir nokkrum árum. Hitakapall var settur í þakrennu árið 2023.
- Húsið var málað að utan sumarið 2020.
- Stutt í ýmsa þjónustu, verslun, skóla og leikskóla.