Hvannalundur 8

--- EIGNIN ER SELD MEÐ FYRIRVARA ---

Elka lgf. s. 863-8813 hjá Fasteignasölunni TORG kynnir sérlega fallegt, vel skipulagt og mikið endurnýjað einbýlishús með innbyggðum bílskúr og stórum grónum garði og góðum sólpalli á þessum vinsæla stað í Garðabæ.
Húsið er 178,6 m² að stærð, þar af 41,2 m² bílskúr en í hluta hans hefur verið útbúið rúmgott svefnherbergi og baðherbergi.  Húsið er mikið endurnýjað bæði að innan og utan, til að mynda er búið að skipta um þak, alla glugga og gler ásamt því að vera nýmálað. Eignin skiptist í 4-5 svefnherbergi, tvö baðherbergi, þvottahús í bílskúr ásamt rúmgóðu eldhúsi, stofu með arni, sólstofu og dásamlegum sólpalli í stórum garði.  
Allar nánari upplýsingar veitir Elka Guðmundsdóttir lgf. í síma 863-8813 eða elka@fstorg.is

Lýsing eignar:
Forstofa: Gengið er inní góða forstofu með nýjum fataskáp frá Axis, ljósar flísar á gólfi.
Eldhús: Eldhúsið er sérlega glæsilegt með sérsmíðuðum innréttingum úr kirsuberjavið, granít borðplötum og vönduðum stáltækjum. Fallegur háfur er í eldhúsinu, keramikhelluborð, ofninn er í vinnuhæð og gert er ráð fyrir tvöföldum ísskáp. Uppþvottavél er innbyggð.  Rúmgóður borðkrókur og gott flæði er á milli eldhúss, stofu og sólstofu. 
Stofa og borðstofa: Stofurnar eru einstaklega skemmtilegar, bjartar og samliggjandi með fallegum arni í miðju rýminu og parketi á gólfi.
Sólstofa: Frá eldhúsi og stofu er gengið í sólstofuna. Ljósar flísar eru á gólfi og þaðan er gengið út í gróinn og stóran garðinn með sólpalli byggðum árið 2020. Úr sólstofu er innangengt í bílskúr þar sem er eitt baðherbergi, svefnherbergi og þvottahús.
Aðalbaðherbergi: Var endurnýjað árið 2024, er mjög rúmgott, flísalagt í hólf og gólf með walk in sturtu og fallegri innréttingu.
Hjónaherbergi: Er mjög rúmgott með vönduðum sérsmíðuðum skápum úr kirsuberjavið og rauðeikarparketi á gólfi.
Barnaherbergi: Á svefnherbergisgangi eru tvö barnaherbergi í dag en eitt þeirra var upphaflega tvö herbergi og auðvelt að breyta því til baka. Barnaherbergi eru með rauðeikarparketi á gólfi.
Bílskúr: Bílskúrinn sem er 41,2 m² er með heitu og köldu vatni, nýlegri hurð með rafmagnshurðaropnara. 
Í bílskúr hefur verið útbúið rúmgott svefnherbergi og baðherbergi með innréttingu og sturtu.  Þvottahús er staðsett í bílskúr.

Endurbætur síðustu ára;
Árið 2018 var skipt um þak - pappa og plötur á öllu húsinu. Einnig var skipt um þakkant og rennur á sama tíma. 
Bílskúr var allur tekinn í gegn árið 2018, hann einangraður og klæddur. Útbúið rúmgott herbergi, baðherbergi með sturtu og einnig var sett upp þvottaaðstaða. Ný bílskúrshurð frá Vögnum og þjónustu.
Árið 2020 var smíðaður nýr pallur úr lerki (botn) og furu (veggir) og sett upp lýsing.  Jafnframt var hellulagt meðfram húsi og bílskúr við bílaplan árið 2020.
Skipt var um útiflísar við útidyrahurð og gler í anddyri haustið 2024. 
Skipt hefur verið um alla glugga og gler í húsinu. Skipt var um níu glugga vorið 2025 og eru aðrir gluggar nýlegir. Gluggarnir eru frá PGV og er efnið pvc plastefni sem er viðhaldsfrítt.
Vorið 2025 var húsið grunnað, blettað og tvímálað með hvítum lit.
Ásamt ofantöldu er búið að endurnýja rafmagn, endurnýjað skólp út í bilaplan og vatnslagnir endurnýjaðar.
Innanhússarkitekt eignarinnar er Pétur Hafsteinn Birgisson. Borðplata og flestir sólbekkir eru úr granít. Gólfefni eru ljósar flísar og gegnheilt rauðeikarparket og er gólfhiti undir flísum á baðherbergi og í eldhúsi.

Stór, gróinn og fallegur garður. Hiti er í bílaplani, útiljós báðum megin við hús með sjálfvirkum rofum.
Einstaklega fallegt og gott hús með dásamlegum palli og útisvæði sem er þess virði að skoða!

Allar nánari upplýsingar veitir Elka Guðmundsdóttir lgf. í síma 863-8813 eða elka@fstorg.is