Folaldahólar 15

Berglind Hólm lgfs. og RE/MAX kynna: Fallegt og vel skipulagt 3-4ra herbergja raðhús á einni hæð með bílskúr og fallegri frágenginni lóð með stórri timbur verönd og heitum potti. Eignin er skráð 136,9 m2 og skiptist í  97,4 m2 íbúðarrými og 39,5 m2 bílskúr. Innst í bílskúrnum er teiknuð geymsla með glugga og útgangi út á lóðina, búið er að útbúa auka svefnherbergi í rýminu. Húsið er byggt árið 2004 og er steypt og steinað að utan og því viðhaldslétt. Gólfhiti er í öllum rýmum. Húsið skiptist í: forstofu, gott alrými sem rúmar eldhús, borðstofu og setustofu,  2 -3 svefnherbergi, baðherbergi, þvottahús og bílskúr (eins og áður segir var teiknuð geymsla inn af bílskúrnum sem nýtt hefur verið sem auka svefnherbergi. Á baklóð hússins er stór timburverönd sem snýr í suður með skjólveggjum og heitum potti, ásamt því er gras, fallegur trjágróður, útigeymsla og útisnúrur. Innkeyrslan er hellulögð með snjóbræðslu og góðum bílastæðum. Eignin er staðsett alveg við Sunnulækjarskóla og í stuttu göngufæri frá leikskólanum Hulduheimar, Fjölbrautaskóla Suðurlands og íþrótta- og fótboltasvæði Selfoss. 

Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is

Nánari lýsing:
Eignin stendur innarlega í rólegum lokuðum botnlanga. Ekki eru hús á á móti, hinu megin við götuna. Komið er upp á rúmgott hellulagt bílastæði með snjóbræðslu. 
Forstofa: Gengið er inn beint frá bílastæði og því aðgengi sérlega gott að eigninni. Komið er inn í forstofu með flísum á gólfi og góðum fjórföldum fataskáp. 
Hol: Frá forstofunni er komið inn í hol með fallegu harðparketi á gólfi. Holið er miðja eignarinnar og leiðir inn í öll önnur rými hennar. 
Eldhús: Eldhúsið er rúmgott í enda alrýmisins. Innrétting er í L með neðri skápum og efri skápum á einn vegg. Innréttingin er hvít fulninga innrétting með viðar borðplötu. Gluggi er við vaskinn. Harðparket er á gólfi.
Stofa + borðstofa: Setustofan og borðstofan eru saman í opnu rými með eldhúsinu. Harðparket er á gólfi og útgengt út á  verönd með heitum potti og út í garðinn.
Baðherbergi: Baðherbergið er rúmgott með sérlega fallegum flísum á gólfi og á veggjum og opnanlegum glugga. Innrétting er undir vaski og til hliðar við vaskinn í fallegu brúnu viðar útliti. Stór vaskur er ofan á innréttingunni undir fallegum spegil með góðri lýsingu. Sturtan er rúmgóð með gler skilrúmi beint á gólf, gott aðgengi. Salernið er upphengt. 
Hjónaherbergi: Hjónaherbergið er 16,1 m2 með harðparketi á gólfi og fimmföldum fataskáp með skúffum og skápum.
Svefnherbergi: Svefnherbergið er 9,5 m2 með harðparket á gólfi.
Þvottahús: Þvottaherbergið er á milli holsins og bílskúrsins. Flísar eru á gólfi og góð innrétting þar sem gert er ráð fyrir vélum eru í vinnuhæð. Gott skápapláss er í innréttingunni, vaskur og vinnuborð. 
Bílskúr: Bílskúrinn er rúmgóður, skráður að innanmáli 26,3 m2. Flísar eru á gólfi og ál bílskúrshurð með bílskúrshurðaropnara. Geymsluloft er yfir bílskúrnum.
Geymsla /auka svefnherbergi: Innangengt er milli íbúðarrýmis og bílskúrs í gegnum þvottaherbergi. Inn af bílskúrnum er teiknuð geymsla 8,2 m2. Gluggi með opnanlegu fagi er í rýminu ásamt hurð sem leiðir út á lóðina bak við húsið. Plast parketi er á gólfi en harðparket í sama útliti og er á öðrum rýmum hússins er til og fylgir með í kaupum. Rýmið hefur bæði verið nýtt sem svefnherbergi og leikherbergi. 

Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is