Fjarðarsel 32

Fallegt og vel skipulagt 8 herbergja, (5 svefnherbergi í dag) endaraðhús á þremur hæðum með íbúð á jarðhæð og bílskúr. Húsið er skráð 240,7 fm og bílskúrinn 21,3 fm, samtals 262 fm í grónu hverfi innst í botnlanga. Stutt er í skóla og helstu þjónustu. Íbúðin á jarðhæð er með sérinngang og er 3ja herbergja. Fallegur garður er bæði fyrir framan og aftan húsið. Suður svalir frá miðhæð og efri hæð. Gengið er út í garð frá jarðhæð og frá svölum miðhæðar. Samkvæmt teikningu er jarðhæð og miðhæð ein íbúð og er steyptur góður stigi á milli hæða. Lokað hefur verið á milli hæða við inngang jarðhæðar en auðvelt er að opna aftur.

Skipting eignar: Miðhæðin skiptist í forstofu, forstofuherbergi, stofu, borðstofu, eldhús, búr/þvottahús, gesta snyrtingu og gang. Efri hæð skiptist í 3 svefnherbergi, baðherbergi, hol og stóra geymslu að hluta undir súð. Jarðhæð/kjallari skiptist í stofu, 2 svefnherbergi, (annað mjög stórt), baðherbergi, þvottahús/geymslu og gang. Fallegur, steypur og rúmgóður hringstigi er á milli hæða.

Nánari lýsing eignar:
komið er inn á miðhæð eignarinnar í rúmgott anddyri með flísum á gólfi. Forstofuherbergi, (húsbóndaherbergi á teikningu) er inn af forstofu og er í dag nýtt sem fataherbergi. Gengið er inn á parketlagðan gang/hol frá forstofu. Gesta snyrting er á hæðinni með flísum á gólfi. Bjartar og fallegar samliggjandi stofur með parketi á gólfi. Gengið er út á rúmgóðar og flísalagðar suður svalir frá stofu. Stigi er frá svölum niður í garð. Innangengt er í parketlagt eldhús frá gangi og frá borðstofu. Eldri viðarinnrétting, borðkrókur og gluggi er í eldhúsi. Þar inn af er rúmgott þvottahús og búr með tveimur gluggum.  

Á efri hæð er komið upp á teppalagt hol. Svefnherbergin á hæðinni eru 3. Hjónaherbergið er parketlagt og með nýlegum fataskápum. Gengið er frá herberginu út á suður svalur. Barnaherbergin eru 2 og eru þau parketlögð. Annað þeirra er rúmgott og með fataskápum. Baðherbergið er með nýlegu nudd baðkari, flísalagðri sturtu og glugga. Flísar eru á gólfi og veggjum og góð innrétting er við vask. Stór súðargeymsla sem er er vel nýtanleg er frá holi.

Á neðstu hæð er í dag 91,7 fm auka íbúð. Komið er inn um sérinngang í flísalagða forstofu og þaðan inn á parketlagðan gang. Inn af forstofu er þvottahús/geymsla með glugga. Svefnherbergin eru 2 og er annað þeirra mjög stórt, parket er á gólfum. Stofan og eldhúsið eru í sama rými sem er rúmgott. Flísar við eldhúsinnréttingu og parket á stofu. Gengið er úr rýminu út á hellulagða verönd og þaðan út í garð. Baðherbergið er flísalagt á gólfi og með sturtuklefa og innréttingu við vask. Ef jarðhæð væri hluti af aðalíbúð þá væru þar 3 rúmgóð svefnherbergi. Eignin hefur fengið gott viðhald í gegnum árin. Þak er til dæmis nýlega endurnýjað að sögn eiganda. Íbúð á jarðhæð hefur aldrei verið samþykkt sem slík og er íbúðarhúsið einn matshluti.

Bílskúrinn er 21,3 fm og er snyrtilegur og með glugga. Góð lofthæð og er milliloft yfir hluta. Hiti er í bílskúr, heitt og kalt vatn. Sjálfvirkur hurðaopnari og tengi fyrir bílahleðslu. 

Lóðin fyrir framan húsið er sameiginleg og er hún mjög falleg og með leiktækjum.

Nánari upplýsingar veitir Hilmar Þór Hafsteinsson Lögg. fasteignasali/leigumiðlari, í síma 824-9098, tölvupóstur hilmar@eignamidlun.is eða skrifstofa Eignamiðlunar í síma 588-9090