Lynghvammur 2B

LIND fasteignasala og Þórey Ólafsdóttir, löggiltur fasteignasali, kynna í einkasölu einstaklega bjart og vel skipulagt 182,8 fm parhús á tveimur hæðum með innbyggðum bílskúr við Lynghvamm 2B í Hafnarfirði. Eignin einkennist af björtu og rúmgóðu alrými með aukinni lofthæð og fallegri kamínu, hjónasvítu á neðri hæð, suðvestursvölum og einstaklega skjólgóðum og grónum garði með timburverönd.

Um er að ræða fallega fjölskyldueign á eftirsóttum stað þar sem innra skipulag er bæði skemmtilegt og vel útfært. Aðalrými hússins eru á efri hæð þar sem aukin lofthæð og góðir gluggar skapa mikla birtu og rúmgóða tilfinningu. Á neðri hæð er rúmgóð hjónasvíta með fataherbergi og sérbaðherbergi auk þvottahúss og innbyggðs bílskúrs. Frábær staðsetning þar sem stutt er í skóla, leikskóla, verslanir, þjónustu og falleg útivistarsvæði.

Birt stærð eignarinnar er 182,8 fm samkvæmt Þjóðskrá Íslands, þar af er innbyggður bílskúr 24,2 fm.

Eignin skiptist á neðri hæð í forstofu, hjónasvítu með fataherbergi og sérbaðherbergi, þvottahús og bílskúr með geymslu. Á efri hæð eru eldhús, stofa og borðstofa í björtu og opnu alrými, rúmgott svefnherbergi, sjónvarps-/fjölskylduherbergi og baðherbergi.

SMELLTU HÉR TIL AÐ FÁ SENT SÖLUYFIRLIT – Allar frekari upplýsingar veitir Þórey í síma 663 2300 eða á thorey@fastlind.is.

Nánari lýsing – neðri hæð
Forstofa með góðum fataskáp, flísar á gólfi.
Þvottahús er rúmgott og bjart með glugga, vandaðri innréttingu og skolvaski, flísar á gólfi.
Hjónasvíta er rúmgóð með fataherbergi og sérbaðherbergi. Útgengt er úr herberginu á baklóð, flísar á gólfi.
Baðherbergi innaf hjónasvítu er með glugga, innréttingu, upphengdu salerni og rúmgóðri walk-in sturtu, flísar á gólfi og veggjum.
Bílskúr er 24,2 fm með epoxy á gólfi og góðu geymslurými innaf.

Nánari lýsing – efri hæð (parketlagður stigi liggur á milli hæða)
Eldhús er opið inn í stofu og borðstofu með vandaðri innréttingu, góðu skápa- og vinnuplássi og eldhúseyju, parket á gólfi.
Stofa og borðstofa mynda einstaklega bjart og rúmgott alrými með eldhúsi þar sem aukin lofthæð setur fallegan svip á rýmið. Kamína skapar hlýlega stemningu og frá stofu er útgengt á suðvestursvalir, parket á gólfi.
Sjónvarps-/fjölskylduherbergi með sérsmíðaðri innréttingu, parket á gólfi. Rýmið er skráð sem svefnherbergi samkvæmt teikningu og býður því upp á fjölbreytta nýtingarmöguleika.
Svefnherbergi er rúmgott og bjart með stórum fataskáp, parket á gólfi.
Baðherbergi með innréttingu, upphengdu salerni og baðkari, flísar á gólfi og veggjum.

Lóðin er gróin, falleg og einstaklega skjólgóð. Á baklóð er rúmgóð timburverönd með skjólveggjum sem skapar notalegt og vel nýtanlegt útisvæði. Gott samspil er á milli húss og garðs með útgengi frá hjónasvítu á neðri hæð. Rúmgott bílastæði er við húsið sem rúmar þrjá bíla.

Eignin hefur fengið gott og reglulegt viðhald í gegnum tíðina. Samkvæmt ástandsyfirlýsingu seljenda var húsið málað að utan árið 2021. Innréttingar í eldhúsi og baðherbergi voru sprautulakkaðar árið 2022 og sama ár var skipt um salerni á efri hæð. Þá var skipt um þrjú opnanleg gluggafög árið 2022. Endurnýjað var gólfefni í bílskúr árið 2024.

Hér er um að ræða einstaklega skemmtilega og vel skipulagða fjölskyldueign þar sem björt rými, aukin lofthæð, kamína, hjónasvíta, suðvestursvalir og skjólgóður garður skapa fallega heild á eftirsóttum stað í Hafnarfirði.

Nánari upplýsingar veitir Þórey Ólafsdóttir, löggiltur fasteignasali / B.Sc. í viðskiptafræði í síma 663 2300 eða á thorey@fastlind.is.

Á heimasíðunni minni www.thorey.is má skoða umsagnir ánægðra viðskiptavina og kynna sér þjónustuna mína.

Allir kaupendur okkar fá Vildarkort Lindar. Með því að framvísa kortinu færð þú 30% afslátt hjá samstarfsaðilum: Húsgagnahöllin, S. Helgason, Flugger litir, Húsasmiðjan, Z brautir og gluggatjöld, Vídd, Parki, Betra bak, Dorma og Sýn.